Apple компанияси macOS учун янгиланган Adobe Flash Player номи остида бехосдан зарарли дастур тарқатиб юборди. Бу ҳақда Objectibe-See компанияси блогида хабар берилди.
Киберхавфсизлик бўйича мутахассис Патрик Уордлнинг аниқлик киритишича, Apple Shlayer трояни номи билан машҳур зарарли кодга эга иловани ўтказиб юборган. У фойдаланувчи компьютерига тушиши билан рекламалар улашишни бошлайди. 2019 йилда «Касперский лабораторияси» Shlayer’ни mac’лар учун энг кенг тарқалган хавф дея атаган.
Уордлнинг сўзларига кўра, бу Apple хатолик туфайли биринчи бор компьютер фойдаланувчилари учун зарарли дастурий таъминотни ўтказиб юбориши ҳисобланади. Компания ҳозирда ҳар бир иловани яхшилаб текширмоқда ва дастур macOS’лар учун App Store’дан ташқарида ҳам тарқалган бўлса ҳам дастурчининг имзосини сўрамоқда. Купертинодагилар ушбу муаммодан хабардор, зарарли дастурни тарқатган дастурчи аккаунти блокланган.
Изоҳ (0)