Xiaomi компанияси ўз фаолиятини бундан 10 йил олдин бошлаган. Бу вақт давомида компания узоқ йўлни босиб ўтди, кўплаб хатоликларга ҳам йўл қўйди ва тажриба орттирди. Масалан, ишлаб чиқарувчи дастлаб ўз гаджетларининг фақат онлайн-савдолари билан шуғулланган, бироқ кейин ҳисоб-китоб қилиб, чакана савдо билан шуғулланишга ўтган, деб хабар беради Hi-Tech.Mail.ru.
Компаниянинг Ҳиндистондаги савдоси яхши натижага эришган. Xiaomi ҳатто бу мамлакатдаги савдо нуқталари сони бўйича Гиннеснинг рекордлар китобидан жой олган.
Компания биринчи бор 2018 йилнинг ноябрида 500 та дўкон очиб рекорд ўрнатган. 2019 йилнинг августига келиб эса хитойликларнинг 2000 та дўкони бор эди. Сўнгги бир йил ичида улар яна 1000 та дўкон очиб, 3 минглик маррани забт этди — бу биргина мамлакатнинг ўзидаги кўрсаткич.
Xiaomi Индиаънинг операцион директори Муралкришна Бнинг сўзларига кўра компания эришилган натижалари билан тўхтаб қолиш ниятида эмас. «Биз фаолият кўламимизни ҳамкорларимиз ва мухлисларимиз ёрдамида янада кенгайтириш ниятидамиз», — дейди компания топ-менежери.
Изоҳ (0)