АҚШнинг Огаё шаҳрида яшовчи жуфтлик ҳашаматли тўй ўтказиш ўрнига бошпанасиз аёл ва болалар учун жами 2000 долларлик озиқ-овқат маҳсулотларидан иборат эҳсон дастурхонини ёзди.

Фото: «Домашний очаг»

Қайд этилишича, Мелания ва Тайлер зиёфат, дижей ва маҳсулотлар етказиб беришни ўз ичига оладиган 150 кишилик маросим учун 2020 йилнинг августидан аввал тўлов қилиб бўлган. Лекин жуфтлик июль ойининг бошида мавжуд коронавирус пандемияси сабаб тўй ўтказиш учун буюртма берилган жой ёпиқлигича қолиши ҳақида билдиришнома олган.

Фото: «Домашний очаг»

Маҳсулотларга олдиндан тўлов қилингани сабаб тўй маросими бошқа жойда ўтказилиши ва меҳмонлар таклиф қилиниши ҳам мумкин эди, лекин ҳамма учун ҳам осон олмаган бундай вақтда ёшлар маросим ўтказишдан кўра эҳсон дастурхони ташкил қилишни маъқул билади.

Шундан кейин Мелания ва Тайлер Кливленддаги ёлғиз ва болали аёлларга бошпана сифатида маълум бўлган Laura’s Home билан боғланади.

15 август куни бувисининг ҳовлисида оила аъзолари даврасида ихчам тўй маросими ташкил қилган жуфтлик маросимдан кейин тўй либосларида ниқоб таққанча Laura’s Home’дагиларга ўз қўли билан овқат тарқатган.

Қовурилган товуқ, пишлоқли макарон, ловия, картошкали салат ва шоколадли кекслардан иборат дастурхонда аёл ва болалар ижтимоий масофани сақлаш мақсадида икки сменада овқатланган.

Фото: «Домашний очаг»

«Шунчаки овқатларни эҳсон қилиб, ўзлари вақтларини чоғ ўтказиши мумкин эди, лекин улар учун келиш, барча билан танишиш ва таомларни ўз қўллари билан тарқатиш муҳим экан», — дейди Laura’s Home раҳбари Рич Трикел.

Laura’s Home’да юзида табассум билан қараган болаларни кўрган ва олқишлар билан кутиб олинган келин-куёв тўғри қарор қабул қилинганига амин бўлган.

Жуфтлик кейинги йилларда ҳам тўй куни санасида хайрия фондига пул ўтказиш ва улар учун муҳим бўлган кунни шу тарзда нишонлашни режалаштирмоқда, дейилади хабарда.