Гарри Поттернинг саргузаштлари ҳақида сўзловчи биринчи фильм — «Ҳикматлар тоши» экран юзига чиққанидан 20 йил ўтгач, у расман миллиардерга айланди, деб хабар беради «Film.ru».

Фото: «Film.ru»

Бу каби натижага эришишга Хитойдаги 3D ва IМАХ версиялари релизи ёрдам берган — янги релизлар йўқлиги сабаб фильмни қайтадан тақдим этишга қарор қилинган. Ўтган ҳафта лента мамлакатдаги 16 минг экрандан 13,6 миллион доллар ишлаб топган.

Бу франшизанинг финал қисми — «Ўлим туҳфалари»дан кейин миллиард доллар тўплаган иккинчи қисм ҳисобланади. 2011 йилда «Ўлим туҳфалари» жаҳон касалларида 1,34 миллиард доллар йиғган. Гарри Поттер ҳақидаги фильмларнинг барчаси эса ҳозирга қадар 7,7 миллиард доллар тўплашга муваффақ бўлган.

Даниэль Рэдклифф, Эмма Уотсон ва Руперт Гринт иштирокидаги «Гарри Поттер ва ҳикматлар тоши» фильми 2001 йилда экран юзини кўрган. Фильмни Жоан Роулингнинг асари асосида Крис Коламбус суратга олган.

Аввалроқ Японияда «Гарри Поттер»нинг сеҳрли оламига бағишланган боғ барпо этилгани тўғрисида хабар берилганди.