Ўзбекистонда 20 августдан бошлаб маҳаллий йўналишларда қатновчи бир қатор йўловчи поездлар қатнови қайта тикланади. Бу ҳақда Транспорт вазирлиги ахборот хизмати хабар берди.
Вазирлик хабарига кўра, 20 августдан бошлаб қуйидаги маҳаллий йўналишларда йўловчи поездлар қатнови қайта тикланади:
- 20 август соат 06:05 дан Тошкент Жанубий вокзалидан 92-сонли Тошкент—Андижон;
- 20 август соат 14:34 дан Андижон вокзалидан 391-сонли Андижон—Бухоро;
- 21 август соат 21:04 дан Бухоро вокзалидан 392-сонли Бухоро—Андижон;
- 21 август соат 22:50 дан Тошкент Жанубий вокзалидан 82-сонли Тошкент—Сариосиё;
- 22 август соат 16:00 дан Сариосиё вокзалидан 81-сонли Сариосиё—Тошкент;
- 22 август соат 14:30 дан Андижон вокзалидан 397-сонли Андижон—Термиз;
- 23 август соат 15:25 дан Термиз вокзалидан 398-сонли Термиз—Андижон;
- 24 август соат 14:34 дан Андижон вокзалидан 393-сонли Андижон—Хива;
- 25 август соат 13:08 дан Хива вокзалидан 394-сонли Хива—Андижон;
- 26 август соат 14:34 дан Андижон вокзалидан 91-сонли Андижон—Тошкент.
Шунингдек, «Афросиёб» поездлари Тошкент—Самарқанд—Бухоро—Тошкент, Тошкент—Самарқанд—Қарши—Тошкент йўналишида қатнай бошлаши ҳамда Тошкент—Андижон—Тошкент йўналишида 2 та йўловчи поезди қатнови йўлга қўйилиши ҳақида хабар берилганди.
Эслатиб ўтамиз, Республика махсус комиссиясининг қарори билан 15 августдан бошлаб мамлакат ҳудудлари ўртасидаги темир йўл қатновига рухсат берилди.
Изоҳ (0)