Францияда сўнгги суткада 3310 кишида коронавирус аниқланди. Бу май ойида карантин юмшатилганидан буён қайд этилган энг юқори кўрсаткич. «Korrespondent.net»нинг ёзишича, бу ҳақда 16 август куни Жамоат соғлиғи агентлиги маълум қилди.
Бундан ташқари, Францияда касалликнинг 17 та янги ўчоқлари аниқланди.
Хабарда айтилишича, ушбу ҳолат мамлакатнинг 23 та департаменти учун хавфли, 20 таси учун ўртача хавфли, 3 та департаменти учун эса ўта хавфл ҳисобланади.
Вазиятнинг янада ёмонлашишининг олдини олиш мақсадида Франция аҳолиси эҳтиёт чораларига амал қилиш, хусусан, ниқоб тақиш ва масофа сақлашга чақирилган.
Эслатиб ўтамиз, ниқоб тақмаганлик учун парижликлар жаримага тортилади. Кўчада ниқобсиз юрган мамлакат аҳолиси ва меҳмонлар 135 евро жарима тўлашларига тўғри келади.
Аввалроқ Италияда COVID-19’га чалинганлар сони ошгани сабабли 17 августдан карантин чекловлари кучайтирилгани хабар берилганди.
Изоҳ (0)