Британияда ит катталигидаги улкан мушукни кўришди (видео)

Британияда тарқалган бу видеода ўртача ит катталигидаги ёввойи мушук тасвирланган, деб хабар беради Daily Mail.

Кембрижшир графлигида яшовчи Ден Андервуд Кембриж марказидаги истироҳат боғида айланиб юрганида мушукни кўрган ва видеога олган.

Кадрда жигарранг ва қора йўл-йўл тусли ёввойи ҳайвонни кўриш мумкин.

«У ўртача ит катталигида, озғин ва ҳаракатчан эди. Тўқ рангли доғлари бор. Унинг учли қулоқлари оддий мушукникидан анча катта», – дейди видео муаллифи.

Унинг сўзларига кўра, жониворда бўйинбоғ йўқ эди. У шунчаки шу атрофдан ўтиб, бир сонияга тўхтаган, кейин юришда давом этиб, ғойиб бўлган.

Видео муаллифи бу сервал ва уй мушугининг авлоди эканини тахмин қилди.