Машҳур италян лазанья лавашини энг осон усуллардан бирида пиширишни истаганлар учун ажойиб рецепт.
Бунинг учун керак бўлади:
- 1-2 дона пиёз;
- 500 гр гўшт қиймаси;
- 4 ош қошиқ помидор соуси;
- 100 мл қаймоқ;
- 50 гр сариёғ;
- 2 ош қошиқ ун;
- 300 гр сут;
- 4 дона лаваш хамири;
- 400 гр пишлоқ;
- таъбга кўра туз ва майда қора қалампир.
- Пиёзни майдалаб, ўсимлик ёғида 5 дақиқа қовуринг. Қиймани қўшиб, яна ўшанча пиширинг;
- Гўшт билан пиёзга туз ва мурч сепинг ва помидор соусини солинг. 10 дақиқадан сўнг қаймоқ қўшинг. 5 дақиқа аралаштиринг ва оловдан олинг;
- Бошқа товага сариёғни солиб, ун билан аралаштиринг ва 5 дақиқа қовуринг;
- Аралашмага сутни қуйинг. Туз, мурчни қўшиб, яна 2-3 дақиқа пиширинг;
- Печ идишини бешамель соуси билан ёғланг. Устига битта лаваш хамирини қўйиб, қийманинг учдан бирини ва қирғичдан ўтказилган пишлоқнинг бир қисмини солинг;
- Яна битта лаваш хамирини соус билан ёғланг ва пишлоқ сепилган томонга қўйинг. Қатламларни шундай икки марта такрорланг;
- Устидан қолган соус ва пишлоқни қўйинг;
- Лазаньяни 180 даража қиздирилган печда 30 дақиқа давомида пиширинг.
Изоҳ (0)