Ғолиб Эргашев 1982 йил Қашқадарё вилояти Шаҳрисабз шаҳрида туғилган. У ҳам барча қатори фарзандларини тарбиялаб, шаҳардаги масжидларнинг бирида имом ҳатиблик қилиб келаётган эди. Бироқ 2018 йил 12 февраль куни унинг бошида оғир синов тушди. Бахтсиз ҳодиса туфайли Ғолиб Эргашевнинг барча тана аъзолари ёниб кетди.
Фото: «Дарё»
Уни зудлик билан тумандаги марказий шифохонага олиб борилган. Шифокорларнинг саъй-ҳаракатлари билан унинг ҳаётини сақлаб қолишган. Аммо бугунга келиб Ғолиб Эргашев чалажон, гарчи яшаётган бўлса-да, ҳолати жуда оғир.
Ўша машъум воқеа содир бўлганига ҳам анча йил бўлган бўлса-да, аммо унинг оғриқлари, аламлари ҳамон битгани йўқ. Бу вақт оралиғида нафақат жисмонан, балки руҳан ҳам азоб чекиб келяпман. Чунки тан оғриғини баданимдаги чандиқ ва яралар орқали ҳис қилсам, яқинларимнинг, айниқса, ота-онамнинг эзилишларини кўриб руҳан қийналаман. Бу ҳолатни сўз билан ифодалаб бўлмайди. Шу қисқа вақт ичида ота-онамнинг йилларга тенг умри завол топди. Уларнинг тим қора сочлари қордек оқарди. Қадди эгилди, кўзларини мангу маҳзунлик эгаллади.
Эркак киши тўшакка михланиб қолмасин экан. Мен қаторилар меҳнат қилиб, қора қозонини қайнатиб юрган бир маҳалда, шифтга термулиб ётиш, яна бир азоб. Мана шундай кунларда яна одамлар ичига қўшилишга, жамоат ичида Қуръон тиловат қилишга, қўни-қўшнининг, эл-юртнинг, энг аввало, ота-онамнинг корига ярашни насиб эцин деб Аллоҳга илтижолар қилиб чиқаман. Кўчадан кимдир чақириб келса, «ҳов» деб чиқишга уяламан. Чунки кўринишимдан ҳалиги одамнинг сесканиши дилимни оғритади. Уни ҳам, ўзимни ҳам қийин аҳволга солмай дейман. Индамайман, уйда кимдир бўлса, кутиб олади, бўлмаса келган одам қайтиб кетади.
Тунлари кўзларимни юмиб, мириқиб ухлагим келади. Аммо ўша фожиадан сўнг, кўзларим атрофидаги териларга жиддий шикаст етгани сабаб, уларни юма олмайман. Дори қўйиб, оғриқларга чидаб, кўзларимни очганча ухлайман. Буни қандай азоб эканини тасаввур ҳам қила олмайсиз. Айниқса, чанг-тўзонли ҳавода кўзларим жуда ачишиб оғрийди.
Айтаётганларим асло маломат эмас. Аллоҳ кечирсин. Бир вақтлар бўлдики, соғайиш тугул яшаб қолиш энг катта оруим эди. Аллоҳга шукур, мана, ҳаётман. Аммо инсоннинг табиатида яшашга бўлган умид, соғлом ҳаётга бўлган ташналик ҳеч қачон сўнмас экан.
Кўча-куйда тани-жонлари саломат одамларни кўриб, ҳавас қилиб йиғлайман. Аммо ҳеч қачон Аллоҳнинг ёрдамига бўлган умидим ўчмайди. Ўтган вақт давомида орамизда саховатпеша инсонлар борлигига юрак-юракдан ишондим. Улар бошида менга қўлларидан келган барча ёрдамни беришди ва ҳамон ёрдам бериб келишмоқда.
Истагим, бу сафар ҳам мени қўллаб-қувватлашса. Юз соҳам ва қўлларим устида жарроҳлик амалиётини ўтказиш зарур. Бунинг учун эса моддий эҳтиёжманд бўлиб турибмиз. Яхшилар кўмагида яна соғлом ҳаётга қайтсам, ўзим ётиб, ўзим турсам, ўзим овқатлансам, одамлар билан бемалол мулоқот қила олсам. Уларнинг бу яхшилигини ҳеч қачон унутмайман. Ҳақларига доим дуода бўламан.
Биз барча саховатгўй юртдошларимиздан Ғолиб Эргашевнинг тузалиб кетишида ўз ёрдамларини аямасликларини сўраб қоламиз.
Ғолиб Эргашев учун хайрия қилишни истаганлар учун керакли маълумотлар:
Пластик карта орқали:
Отаси Асад Эргашев номида
Click/Payme: 8600 0423 7699 0098 (Агробанк)
АТБ Агробанк Шаҳрисабз филиали
МФО: 00166
ИНН: 200673051
Нақд пул топширганда: 23116000900000166001
Мижоз аризасига асосан картадан картага пул ўтказилганда:
23118000900000166001
Бошқа ташкилотлардан келиб тушган маблағлар транзити:
23120000500000166001
Отаси Асат Эргашевнинг рақами
+998 97 387 09 02
