«Бошимни тик кўтарган ҳолда кетяпман». Виллиан «Челси» билан хайрлашди

Бразилиялик ярим ҳимоячи Виллиан «Челси»ни тарк этади. 32 ёшли футболчи «Челси» мухлислари билан хайрлашди.

Ажойиб етти йиллик. 2013 йилнинг августида «Челси»дан таклиф олганимда айнан шу ерда ўйнашим кераклигига ишончим комил эди. Бугун эса бу қарор энг тўғриси эканига ишонмоқдаман. Кўплаб қувончли онлар бўлди, бироқ хафагарчиликсиз ҳам ўтмади. Совринлар бўлди. Жуда ёрқин онлар.

Совринлар ютишдан ташқари, мен ўзим ҳақимда кўп нарса билиб олдим. Ривожландим, ўйинчи ва инсон сифатида яхши томонга ўзгардим. Ҳар бир машғулотдан сўнг, ҳар ўйин, кийиниш хонасида ўтказган ҳар дақиқамда ўргандим.

«Челси» мухлисларига мени «Стемфорд Бриж»да илиқ кутиб олгани ва йиллар мобайнида қўллаб-қувватлагани учун раҳмат айтаман.

Танқид бўлди. Бу одатий ҳолат. Муҳими садоқат ва танқид мени ҳар бир машғулотда, ҳар ўйинда охиригача курашишга ундади!

Олға юриш вақти келди. Жамоадошларимни соғинаман. Менга ўз ўғлидек муносабатда бўлган клубнинг барча ходимлари ва мухлисларни соғинаман.

Бошимни тик кўтарган ҳолда, қалб хотиржамлиги ила кетяпман. «Челси» либосини ҳимоя қилиб, ғалабаларга эришдим ва бор кучим билан ҳаракат қилдим. Барчангиздан миннатдорман, сизни худонинг ўзи қўлласин!

Виллиан, футболчи

Виллиан «Челси» сафидаги 7 мавсум давомида умумий 339 ўйин ўтказиб, 63 та гол урди.

Виллианнинг 2019/20 йилги мавсумда «Челси» сафидаги ёрқин ҳаракатларини томоша қилинг (видео)