Ижтимоий тармоқларда Байрутдаги портлашдан кейин уйида пианино чалаётган кекса аёл видеоси машҳурликка эришди. Бу ҳақда Esquire маълум қилади.
https://twitter.com/i/status/1290991825415700481
Кадрда пианино чалаётган аёл пайдо бўлади. Дераза ва эшиклар синган. Идиш-товоқлар полда ётар, аёл чалаётган мусиқага ҳамоҳанг кимдир хонани йиғиштираётгани эшитилади. Бундан ташқари, видеода портлашдан кейин тушган пардалар, мебель ва стуллардаги чанг қатлами ҳам тасвирга олинган.
4 август куни Ливан пойтахти Байрутдаги маҳаллий портда 2750 тонна аммиак селитраси портлаган. Модданинг бир қисми олти йил давомида тегишли профилактика чораларисиз омборлардан бирида сақланган. Порт ишчилари ўғирликнинг олдини олиш мақсадида омбордаги тешикларни муҳрлашга қарор қилган, аммо иш пайтида ёнғин чиқиб, портлаш юз беради.
Ливан соғлиқни сақлаш вазирлиги маълумотларига кўра, портлаш оқибатида 137 киши ҳалок бўлган, беш мингдан ортиқ одам жароҳатланган. Кучли тўлқин бир неча километр узоқликдаги бинолар ойналарини синдириб, 3 мингга яқин одамни бошпанасиз қолган.
Изоҳ (0)