Республика махсус комиссиясининг қарорига мувофиқ хориждаги Ўзбекистон фуқароларини олиб келиш учун 2 августдан 16 август кунлари давомида амалга оширилиши белгиланган чартер рейсларининг жадвалига қисман ўзгартириш киритилди. Бу ҳақда Транспорт вазирлиги хабар берди.
Хусусан, 5 август куни Қоҳира–Тошкент–Қоҳира йўналишида амалга оширилиши белгиланган парвоз 16 август куни бажарилади. Шунингдек, 7—8 август Тошкент–Пекин–Тошкент йўналишидаги рейс эса 13—14 август кунлари амалга оширилади.
Аввалроқ Россия, Украина ва Мисрда таҳсил олувчи ўзбекистонлик талабалар августнинг биринчи 10 кунлигида ватанга қайтарилиши тўғрисида хабар берилганди.
Эслатиб ўтамиз, «Миллий тикланиш» демократик партияси Марказий кенгаши раиси Алишер Қодиров хориждан ўзбекистонликларни олиб келишни тўхтатиб, уларни турган мамлакатларида даволашни молиялаштириш кераклигини таклиф қилганди.
Изоҳ (0)