Соғлиқни сақлаш вазирлиги коронавирусга чалинган беморни амбулатор ва уй шароитида даволашда эътибор қаратиш лозим бўлган жиҳатлар ҳақида маълумот берди.

Вазирлик ахборот хизматининг биринчи йўриқномасида COVID-19’га чалинган беморларни амбулатор шароитда даволашнинг 10 кунлик тартиби ҳақида сўз юритилган.

Беморнинг ички касалликлари аввалдан бўлган бўлса, қон босимини туширувчи ва қонни суюлтирувчи дориларни оилавий шифокор билан маслаҳатлашиб, унинг тавсиясига кўра қабул қилиш сўралган. Шунингдек, қандли диабет касаллигига чалинганларга ҳам қанд миқдорини камайтирувчи дориларни шифокор маслаҳати билан қабул қилиш тавсия этилган.

Кун тартиби ва йўриқнома қуйидаги инфографикада келтириб ўтилган.

COVID-19’га чалинган беморларни амбулатор шароитда даволаш юзасидан тавсиялар

Фото: Соғлиқни сақлаш вазирлиги

Шунингдек, вазирлик ахборот хизмати томонидан коронавирусга чалинган беморларни уй шароитида даволаш бўйича асосий тавсия ва қоидалар ҳам тақдим этилган.

Коронавирус инфекциясига чалинган беморларни уй шароитда даволаш бўйича асосий тавсия ва маслаҳатлар

Фото: Соғлиқни сақлаш вазирлиги

Аввал Ўзбекистонда коронавируснинг аломатсиз шакли билан уйда даволаниш шартлари ишлаб чиқилгани, коронавируснинг аломатсиз шакли билан касалланганларни уй шароитида даволаш тартиби белгилангани ҳақида хабарлар берилган. Шунингдек, «Юксалиш» умуммиллий ҳаракати Жаҳон соғлиқни сақлаш ташкилоти ҳамда Ўзбекистон Соғлиқни сақлаш вазирлиги тақдим этган маълумотларга асосланган COVID-19’нинг асосий клиник аломатлари ва уларнинг кунлик жадвали эълон қилганди.