SARS-CoV-2 коронавируси инфекция чалинган одамда ортиқча иммунитет реакциясини келтириб чиқариши мумкин. Бу ҳақда Калифорния университети олимлари томонидан ўтказилган тадқиқот натижаларига таяниб, MedicalХпресс хабар берди.
Фото: Getty Images
Мутахассислар коронавирус инфекциясига чалинган 30 дан ортиқ беморнинг таҳлил натижаларини ўрганиб чиққан. Натижалар кўпчиликнинг иммун тизими грипп вирусига нисбатан SARS-CoV-2 коронавирусига агрессив жавоб қайтарган. Хусусан, бу беморларнинг ўпкасига салбий таъсир кўрсатган.
«Уларнинг ўпкасига нафақат вирус, балки иммунологик кураш сабаб шикаст етган», — дейди экспериментал паталогия профессори Макс Краммел. Унинг сўзларига кўра, айнан беморларнинг иммунитети оқибати сабаб касалликнинг 11-кунида айрим беморларда оғир пневмония юзага келаётганини тушунтириб бериш мумкин.
Олимлар иммун тизими реакциясини сусайтириш усулини топиш умидида, бу пневмония ривожланишининг олдини олади. Бироқ тиббиёт фанлари доктори ва тадқиқот раҳбарларидан бири Керолин Калфининг таъкидлашича, бу осон кечмайди. «Биз мувозанатни топишга уриняпмиз», — дейди Калфи.
Аввалроқ америкалик биолог коронавирусга иммунитет борасида «ижобий ва салбий» хулосаларни, германиялик олимлар коронавирусга антитаналар вақт ўтиши билан камайишини, бу одамларнинг қайта касалланиши мумкинлигини англатишини маълум қилганди.
