Самарқанд шаҳрида оёғи ариқдаги панжара орасига кириб қолган 9 ёшли қизалоқ ФВБ ходимлари томонидан қутқариб олинди. Бу ҳақда Фавқулодда вазиятлар вазирлиги матбуот хизмати хабар берган.
Қайд этилишича, 31 июль куни соат 15:35 да Самарқанд шаҳри Озод-Шарқ кўчасидаги ариқ устига ўрнатилган темир панжаранинг орасига 2011 йилда туғилган Ж.Р.нинг ўнг оёғи кириб, сиқилиб қолгани ҳақида шаҳар фавқулодда вазиятлар бошқармасига хабар келиб тушган.
Воқеа жойига зудлик билан қутқарув отряди шахсий таркиби етиб бориб, махсус қутқарув асбоб-анжомлари ёрдамида темир панжара орасидаги қизалоқ чиқариб олинган ва ота-онасига соғ-саломат топширилган.
2020 йил 2 июлда Қашқадарё вилоятининг Қарши шаҳрида тўрт қаватли уйнинг тўртинчи қаватидаги хона эшиги қулфланиб қолиши оқибатида уйда қолиб кетган 4 ва 2 ёшли бола Фавқулодда вазиятлар бошқармаси қутқарувчилари томонидан соғ-саломат олиб тушилгани, 7 июлда Қорақалпоғистон Республикаси Нукус шаҳрида тақиқланган жойда чўмилиб, сувда оққан бола Фавқулодда вазиятлар бошқармаси ходими томонидан қутқарилгани, у билан бирга чўмилган маст эркак оқиб кетгани, 26 июлда эса Тошкент вилоятида 6 метрли қудуқ ичида қолиб кетган икки киши қутқариб олингани ҳақида хабарлар берилган.
Изоҳ (0)