«Навбаҳор» клуби бош мураббийи Андрей Канчельскис «Уфа» ярим ҳимоячиси Остон Ўруновни бир қатор ўзбек футболчилари билан солиштирди ва ўзбек футболидаги ўсишга шарҳ берди.
«Ўруновни «Локомотив» сотиб олган Жасур Жалолиддинов билан солиштирсак — Жасур Остондек етилган футболчи эмас. Остонда куч, жисмоний кўрсаткичлар ва техника бор.
Уни Шомуродовга қиёслаш мумкин, бироқ Элдор — голеадор ҳужумчи. Коронавирус унинг сермаҳсуллигига бироз салбий таъсир қилди. Тушунамиз, бу жуда оғир. Бироқ танаффус Ўрунов учун фойдали бўлди.
Остонга омад, соғлиқ ва «Спартак»да ўз ўрини топиб кетишини тилаб қоламан. Бу буюк клуб. Нима бўлганда ҳам у ерга ўтиш — бу ҳақиқатда ажойиб. Бундай катта жамоада ўйнаш қиммат туради».
Россияда ўзбек футболчиларининг кўпайиб бораётгани ҳақида
«Россия Премьер Лигасига баъзида муносиб футболчилар йўл олади, бироқ Россия спорт мактабларида катта муаммолар бор. Бизнинг футболга фирибгар ва ҳаваскорлар тўсиқ бўлмоқда...
Ҳар доимгидек барчаси пулга бориб тақалади, Россия футбол иттифоқида эса муттаҳамлар ишлайди. Деярли ҳар бир рус клубида қаллоблар ўтиради. Футболга алоқаси йўқ одамлар билан нимани ҳам гаплашиш мумкин?
Россияга собиқ иттифоқ ҳудудидан келаётган футболчилар ҳақида гапирсам... Билмадим, Ўзбекистонда ишлаяпман ва бу ерда жуда яхши футболчилар бор. Улар ўз устида ишлаб, Хитой, Корея ва Японияга кетмоқда. Улар ривожланмоқда, биз эса орқага кетяпмиз — мана сизга жавоб», — дейди Канчельскис.
Аввалроқ «Спартак» Остон Ўрунов трансфери борасида «Уфа» билан келишиб олгани ва футболчи коронавирусдан халос бўлиши билан шартнома расмийлаштирилиши хабар қилинганди. Трансфер 2 миллион еврога баҳоланган. 19 ёшли футболчи москваликлар сафида йилига 600 минг евро маош олади.
Остон Ўрунов ижросидаги супер дриблинглар ва финтларни томоша қилинг (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)