Бугун,

  • USD 10940.05
  • RUB 182.26
  • EUR 11121.65

АҚШ ҳукумати COVID-19 коронавирус инфекциясини даволаш учун ишлатиладиган «Ремдесивир» препаратининг 90 фоизини сотиб олди. Бу ҳақда Дональд Трамп 25 июль куни ўтказилган брифингда маълум қилган.

Фото: AP Photo

Фото: AP Photo

«Менинг администрациям ажойиб таъсирга эга, ‘Ремдесивир‘ препаратининг дунё заҳирасининг 90 фоизи устидан назоратни қўлга олди», — деган у брифингда.

Президент, шунингдек, мамлакатда дори-дармон нархларини пасайтиришга имкон берадиган бир қанча фармонларни имзолаганини маълум қилган. Биринчиси, Трампнинг сўзларига кўра, бошқа мамлакатлардан, хусусан, Канададан арзонроқ дори-дармонларни олиб киришга имкон беради. Иккинчисида фармацевтик компанияларга воситачиларга берадиган чегирмаларни беморларга бериш мажбурияти юклатилган. Яна бир фармон инсулин нархини пасайтиришга қаратилган.

Июль ойи бошида АҚШ ҳукумати коронавирусни даволовчи «Ремдесивир» препаратининг деярли барча захирасини сотиб олгани ҳақида The Guardian хабар берганди. Газета маълумотларига кўра, Трамп администрацияси Калифорниянинг Gilead Scienceс биофармацевтик компаниясидан ушбу препаратнинг 500 мингдан ортиқ дозасини сотиб олади. Бу июль ойида ишлаб чиқарилиши прогноз қилинган препаратлар ҳажмининг 100 фоизи, шунингдек, август ва сентябрь ойларида чиқариладиган препаратларнинг 90 фоизидир. Шундай қилиб, АҚШ бошқа мамлакатларнинг ушбу препаратдан фойдаланиш имкониятини сезиларли даражада чеклаб қўйди.

Эслатиб ўтамиз, «Ремдесивир» Европа Иттифоқида рухсат олиш учун тавсия қилинган коронавирусга қарши илк дори воситаси ҳисобланади. Жанубий Корея ҳам 1 июлдан бошлаб «Ремдесивир» дори воситасини сотиб олишни бошлади. Ўзбекистонда ҳам профилактика, касалликнинг юқишини олдини олиш мақсадида ишлатиш мумкин бўлган дорилар қаторида «Ремдесивир» бор. ЖССТ «Ремдесивир»ни коронавирусга қарши курашда «умид уйғотувчи» дори воситаси деб атаган. Препарат коронавирус кўпайишини блоклаш хусусиятига эга эканлиги канадалик олимлар томонидан апрель ойида аниқланганди.

Изоҳ
Асосий янгиликлар