«Манчестер Сити» Англия Премьер Лигаси 36-тури доирасида ўтказилган баҳсда «Борнмут»ни 2:1 ҳисобида мағлубиятга учратди.
Ушбу ғалаба «шаҳарликлар» бош мураббийи Хосеп Гвардиола учун АПЛдаги дастлабки 150 ўйинда эришилган 111-ғалаба бўлди.
Шу тариқа испаниялик мутахассис Премьер Лига рекордини ўрнатди — у 150 та ўйинда бошқа мураббийларга қараганда 6 та кўпроқ ғалабани қўлга киритган.
Иккинчи ўринда 105 та ғалаба билан Жозе Моуриньо («Челси», «Манчестер Юнайтед», «Тоттенҳэм») бормоқда. Кучли бешликдан эса «Ливерпуль» бош мураббийи Юрген Клопп (92), «Манчестер Юнайтед» собиқ мураббийи Алекс Фергюсон (90) ва «Ливерпуль» собиқ мураббийи Кенни Далглиш (85) жой олган.
Маълумот учун, Гвардиола инглиз клубини 2016 йилдан бери бошқариб келади. Жамоа унинг қўл остида икки бор (2017/18, 2018/19) Премьер Лигада ғолиб чиққан.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)