Тошкент вақти билан 12 июнь, якшанба тонгида Абу-Дабидаги «Жангчилар ороли»да UFC 251 мусобақаси ўтказилди.
Кечанинг асосий жангида ярим ўрта вазн тоифасида камар соҳиби Камару Усмон (17-1) даъвогар Хорхе Масвидалга (35-14) қарши октагонга кўтарилди. Илк раундни яхши бошлаган Масвидал кейинги раундларда устунликни Усмонга топшириб қўйди. Ҳакамлар эса Усмоннинг 50-45 50-45, 49-46 ҳисобидаги ғалабасини қайд этди. Шу тариқа Камару Усмон чемпионлик камарини муносиб ҳимоя қила олди.
Ярим енгил вазн тоифасидаги чемпионлик жангида Александер Волкановски (22-1) Макс Ҳоллоуэйни (21-6) очколар ҳисобида (48-47, 48-47, 47-48) мағлубиятга учратиб чемпионлик камарини ҳимоя қилди.
Ўта енгил вазн тоифасида вакант бўлиб турган чемпионлик камари учун жангда бўлса, Петр Ян (15-1) тажрибали рақиби Жозе Алдони (28-7) 5-раундда нокаутга учратиб, чемпионликка эга чиқди.
Барча жанг видеоларни бу ерда томоша қилиш мумкин: ҲАВОЛА.
Барча жанглар натижалари билан танишинг:
Асосий кард
- Камару Усмон Хорхе Масвидални очколар эвазига мағлуб этди;
- Александер Волкановски Макс Ҳоллоуэйни очколар эвазига мағлуб этди;
- Петр Ян Жозе Алдони 5-раундда нокаутга учратди;
- Роуз Намаюнас Жессика Андрадени очколар эвазига мағлуб этди;
- Аманда Рибас Пейж Ванзантни муддатидан аввал таслим қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)