Ўзбекистонда болаларини боғчаларга жойлаштиришда имтиёзга эга бўлганлар сонини камайтириш режалаштирилмоқда

Ўзбекистонда фарзандларини болалар боғчаларига жойлаштиришда имтиёзга эга бўлган шахслар тоифаларини қисқартириш режалаштирилмоқда. Бу ҳақдаги ҳукумат қарори лойиҳаси муҳокама учун эълон қилинди.

Давлат хизматлари агентлигининг маълум қилишича, илгари ижтимоий тармоқларда болаларни давлат боғчаларига жойлаштиришда бир қатор имтиёзи мавжуд шахсларнинг фарзандларига бериладиган имтиёзлар юзасидан анча норозиликлар учрар эди. Давлат хизматлари агентлиги томонидан ўтказилган ижтимоий сўров натижалари ҳам бундан далолат беради.

Қайд этилишича, муҳокамага қўйилган лойиҳада болаларни давлат боғчаларига қабул қилиш бўйича давлат хизматлари кўрсатишнинг маъмурий регламентида мавжуд имтиёзлар қисқартирилмоқда.

Эндиликда фақатгина икки тоифадаги шахслар, яъни биринчи ва иккинчи гуруҳ ногиронлиги бўлган шахсларнинг болалари ҳамда етим болалар ёки ота-онасининг қаровисиз қолган болалар учун имтиёзлар қолдирилмоқда.

Шунингдек, фақатгина боланинг ота-онаси эмас, балки яқин қариндошларига ҳам йўлланма олиш имконияти яратилмоқда. Мисол учун, аввал боланинг бобо ва бувилари неваралари учун ариза юбориши мумкин эмас эди.

Бундан ташқари, мактабгача таълим ахборот тизимини такомиллаштириш ва уни Мактабгача таълим вазирлигининг расмий веб-сайти билан интеграция қилиш орқали боғчалардаги тарбияланувчилар ва бўш ўринлар ҳақидаги маълумотларни реал вақт режимида юритиш, навбатларни шакллантириш ва уларнинг электрон ҳисобини олиб бориш, йўлланма ва хабарномалар бериш имкониятини жорий этиш назарда тутилмоқда.

Болаларни давлат мактабгача таълим муассасаларига қабул қилиш жараёнининг актуаллаштирилганлиги ҳамда муассасалардаги бўш жойларнинг электрон ҳисобини юритиш, болаларни муассасаларга қабул қилиш учун электрон навбатни шакллантириш, болаларни муассасаларга қабул қилиш учун йўлланмаларни расмийлаштириш мактабгача таълим ахборот тизими томонидан амалга оширилиши йўлга қўйилганлиги сабабли тегишли ўзгартиришлар киритилмоқда.

Таъкидланишича, қарор лойиҳасининг қабул қилиниши давлат бюджети маблағларидан ортиқча харажатларни талаб этмайди. Қарор лойиҳасининг муҳокамаси 23 июлгача давом этади.

Эслатиб ўтамиз, 15 июндан бошлаб Ўзбекистоннинг «яшил» ва «сариқ» ҳудудларда хусусий мактабгача таълим ташкилотларида машғулотларни 15 кишидан ортиқ бўлмаган гуруҳларда ташкил этишга рухсат этилганди. Мамлакатда коронавирус билан боғлиқ вазиятнинг кескинлашаётгани сабабли 10 июлдан 1 августгача мамлакатда қатъий карантин чоралари жорий қилинди. 10 июлдан болалар боғчалари яна ёпилди,