Ярим ўрта вазн тоифасида UFC жангчиси Хорхе Масвидалнинг мураббийи Майк Браун UFC 251 мусобақаси олдидан коронавирусга чалинди.
Мазкур маълумотни Брауннинг ўзи тасдиқлади ва ўзини яхши ҳис қилаётганини айтди. Браундан ташқари жамоанинг яна бир мураббийи Габриэль де Оливейрада ҳам инфекция аниқланган.
Масвидалнинг ўзи мусобақа ўтадиган жой — Абу-Дабига етиб келган ва карантинда сақланмоқда. Аввалроқ спортчи коронавирус тест топширган ва таҳлиллар салбий натижа берганди.
Эслатиб ўтамиз, Масвидал 12 июль куни бўлиб ўтадиган UFC 251 мусобақаси асосий жангида ўрта енгил вазн тоифаси чемпиони Камару Усмонга қарши жанг қилади.
Аслида Усмон Гильберт Бёрнсга қарши жанг қилиши керак эди. Бироқ Бёрнсда коронавирус аниқланган ва унинг ўринини Масвидал эгаллаганди.
Изоҳ (0)