Футбол бўйича Англия Премьер Лигасининг 34-турида «Манчестер Сити» 8 июль, чоршанба куни «Ньюкасл»ни қабул қилди.
Учрашувнинг 10-дақиқасида Габриэль Жезус «шаҳарликлар»ни олдинга олиб чиққан бўлса, 21-дақиқада Риёд Маҳрез жамоасининг иккинчи голини урди.
Иккинчи бўлимда ҳам майдон эгалари уч бор рақиб дарвозасига йўл топди. 58-дақиқада Федерико Фернандес ўз дарвозасини ишғол қилиб қўйди. 65-дақиқада Давид Сильва жарима зарбасини қойилмақом ижро этди. Ҳакам томонидан қўшиб берилган вақтда Раҳим Стерлинг якуний ҳисобни ўрнатди — 4:0.
Ушбу ғалабадан кейин «Манчестер Сити»нинг очколари 69 тага етди ва жамоа 2-поғонада кетмоқда. «Ньюкасл» (43) эса 13-ўринда кетмоқда.
Яна бир ўйин Еврокубоклар учун курашаётган «Шеффилд Юнайтед» ва «Вулверҳэмптон» жамоалари ўртасида кечди. Жон Иганнинг 93-дақиқада урган голи майдон эгаларига ғалаба келтирди. Шу тариқа «Шеффилд» очколарини 51 тага етказиб олган ҳолда 7-ўринга кўтарилди. «Бўрилар» (52) эса 6-поғонада қолди.
АПЛ
34-тур баҳслари
8 июль, чоршанба
«Манчестер Сити» — «Ньюкасл» 5:0
Голлар: 1:0 – 10 Габриэль Жезус, 2:0 – 21 Маҳрез, 3:0 – 58, автогол Фернандес, 4:0 – 65 Сильва, 5:0 – 90 Стерлинг.«Манчестер Сити»: Эдерсон, Отаменди, Жоау Канселу (Уокер, 46), Зинченко, Стоунз, Родри Эрнандес (Гундўған, 46), Сильва, Фоден (Бернарду Сильва, 61), де Брюйне, Маҳрез (Дойл, 75), Габриэль Жезус (Стерлинг, 62).
«Ньюкасл»: Дубравка, Роуз, Йедлин, Крафт (Муто, 84), Шер, Лазаро (Манкильо, 66), Ритчи (Атсу, 84), Шелви (Лонгстафф, 67), Бенталеб, Фернандес, Жоэлинтон (Гэйл, 66).
«Вест Ҳэм» — «Бёрнли» 0:1
Гол: 0:1 – 38 Родригес.«Шеффилд Юнайтед» — «Вулверҳэмптон» 1:0
Гол: 1:0 – 90+3 Иган.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)