Юқори Чирчиқ туманида жойлашган «Ўртасарой» карантин мажмуасида сақланаётган шахслар уй карантинига ҳамда ОТМ ва касб-ҳунар коллежларининг талабалар турар жойлари базасида ташкил этилган карантинда сақлаш жойларига ўтказилади. Бу ҳақда Республика махсус комиссияси қарорида белгиланган (Қарор нусхаси «Дарё» таҳририятида бор). Мажмуада фақат хориждан келган фуқаролар карантинда сақланади.
Олий таълим вазирлигига Тошкент шаҳри ва Тошкент вилоятида жойлашган карантинда сақлаш инфратузилмасига эга ОТМ ва коллежлар рўйхатини тузиб чиқиш вазифаси топширилган.
Тошкент шаҳар ва Тошкент вилояти ҳокимликлари билан биргаликда ОТМ ва касб-ҳунар коллежлари талабалар турар жойларини карантинда сақлаш жойларига мослаштириш чоралари кўрилади.
Ушбу тадбирлар билан боғлиқ харажатлар Инқирозга қарши курашиш жамғармаси маблағлари ҳисобидан амалга оширилади.
Аввалроқ Ўзбекистонда коронавирусдан уй шароитида даволанаётганларга тиббий ёрдам бериш учун мобил гуруҳлар ташкил этилиши хабар берилган эди.
Эслатиб ўтамиз, Ўзбекистонда 10 июлдан 1 августга қадар карантин тартиби кескин кучайтирилмоқда. Жумладан, тўйлар тақиқланмоқда, болалар боғчалари ёпилмоқда, вилоятлараро автотранспорт қатнови тўхтатилмоқда, автомобилдан фойдаланиш яна чекланмоқда.
Мавзуга доир:
- «Ўзбекистон соғлиқни сақлаш тизимидаги ресурслар поёнига етди, деса муболаға бўлмайди. Бўш койка-ўринлар қолмади» — Ҳабибулла Оқилов
- «Ўзбекистонда кунига 1—1,5 мингта коронавирусга чалиниш ҳолати аниқланса, соғлиқни сақлаш тизимимиз қулайди» — Ҳабибулла Оқилов
- «Биз Махсус комиссиядан 28 кун сўрагандик, 20 кунга чидаб берсак ҳам катта гап дейишди» — Ҳабибулла Оқилов
Изоҳ (0)