Халқаро футбол ассоциациялари кенгаши (IFAB) ва ФИФА бешта захира қоидасини келаси мавсумда ҳам кучда қолдирмоқчи.
The Athletic нашрининг хабар қилишича, тез кунларда бу борада расман маълум қилинади.
Аввалроқ IFAB ва FIFA 2020 йилда якунланадиган мусобақаларда бир ўйин давомида бештагача футболчи алмаштиришга рухсат берганди. Коронавирус пандемияси сабаб тўхтаб қолган мусобақалар рестартидан сўнг ўйинчиларнинг жароҳат олиш эҳтимолини пасайтириш учун мазкур қарор қабул қилинганди. Жамоалар ўйин давомида учта имкониятда беш нафар футболчини майдонга тушириш имкониятига эга бўлганди.
Ушбу қоидани жорий қилиш ёки қилмаслик масаласида ҳар бир лига ўзи қарор қабул қилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)