Оскар де ла Ҳоя дунёнинг айни дамдаги энг кучли 3 боксчиси номини айтди

Профессионал бокс бўйича олти вазн тоифасида собиқ Жаҳон чемпиони Оскар де ла Ҳоя дунёнинг айни дамдаги энг яхши уч нафар боксчиси номини айтди.

«Ушбу рўйхатда биринчи ўринга Сауль ‘Канелў Альваресни қўйиш керак. У ким билан жанг қилганини ва кимларга қарши курашмоқчилигини эсланг. Ишончим комил, у энг яхши рақиблар билан жанг қилишни хоҳлайдиган ягона боксчи.

Қолган барча боксчилар дарҳол жанг учун қанча пул олиши ҳақида сўрайди. ‘Канелў эса бу ҳақда сўраб ҳам ўтирмайди, у шунчаки, энг зўрлари билан жанг қилишни хоҳлайди.

Теренс Кроуфорд ва Василий Ломаченко бир хил даражада. Кроуфорд ўзининг қобилияти ва истеъдоди билан супер юлдузга айланиши мумкин.

Ломаченкони зўр боксчи деб биламан ва унинг ярим ўрта вазн тоифасида жанг қила олишига ҳам ишонаман, агар у хоҳласа муваффақиятга эриша олади», — дейди де ла Ҳоя.

Маълумот ўрнида, Оскар де ла Ҳоя профессионал фаолияти давомида 45 та жанг ўтказиб, шулардан 39 тасида ғалаба қозонган (30 та нокаут), 6 тасида эса имкониятни бой бериб қўйган.

Мавзуга доир: Афсонавий боксчи Оскар де ла Ҳоя рингга қайтмоқчи