«Барселона» бош мураббийи Кике Сетьен ҳужумчи Антуан Гризманнинг жамоадаги ўрни ва келажаги ҳақида гапирди.
«Ҳақиқат шундан иборатки, асосий таркибга фақат 11 нафар футболчи кириши мумкин. Мендан доимо нима сабабдан Ансу Фати ёки Рики Пуч ўйнамаётгани ҳақида сўрашади.
Баъзида бир ўйинчи, баъзида эса умуман бошқаси ўйнайди. Учрашувларда ва машғулотларда кўрган нарсаларимга қараб, ким бизга кўпроқ ёрдам бера олишини тушунган ҳолда, қайсидир футболчини танлайман.
Бироқ уларнинг барчаси муҳим ва тенг имкониятларга эга. Тўғри, алоҳида мавқега эга бўлган ўйинчилар бор, аммо барча майдонга тушиши ёки тушмаслиги мумкин, — дейди Сетьен.
Маълумот учун, «Барселона» 29 ёшли Гризманни 2019 йилнинг ёзида 120 миллион евро эвазига сотиб олган. Жорий мавсумда у 31 та ўйинда майдонга тушиб, 8 та гол урди ва 5 та голга ҳаммуаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)