Mobiuz махсус Интернет-тарифни ишга туширди

Mobiuzнинг «Гап Йўқ» тариф режаси мобил алоқага маблағларни тежаган ҳолда виртуал оламда «саёҳат» қилишга кўмак беради.

Кўпроқ суҳбат, кўпроқ билимлар, замонавий онлайн технологиялардан фойдаланиш учун кўпроқ имкониятлар – буларнинг барчаси «Гап Йўқ» тарифини танлаб, Mobiuz абонентига айланган абонентларга муҳайё бўлади. Компания уни 30 июнь – Ўзбекистонда Ёшлар куни муносабати билан ишга туширди.

Интернет фойдаланувчилари талаб ва истакларидан келиб чиққан ҳолда ишлаб чиқилган тариф нархи ва таклиф қилинаётган мегабайтлари бўйича рақобатбардошдир. «Гап Йўқ» тарифи бўйича Mobiuz ойига атиги 35 минг сўмга 8000 МБ мобил Интернет тақдим этилмоқда.

Маҳсулот шартларига дақиқа ёки SMS-хабарлар киритилмаган бўлса-да, ёқимли бонус мавжуд – Ўзбекистон бўйича барча чиқувчи қўнғироқларнинг бир дақиқаси, битта SMS-хабар, лимитдан ошган ҳар бир мегабайт атиги 12 сўмдан нархланади.

Лекин бу ҳам ҳаммаси эмас. Тариф режаси қолган кўплаб тарифлар сингари ойнинг биринчи санасига боғланмаган. Яъни «Гап Йўқ» тарифига уланилган ёки ўтилгандан кейиноқ 8000 МБ тақдим этилади ва 35 минг сўм тўлалигича ечилади.

Масалан, абонент 11 июль куни унга уланди. Ўша ондаёқ у 35 минг сўмга 8000 МБга эга бўлади. Келаси ойларнинг ҳар 11-санасида абонент тўлови тўланиши керак бўлади.

Лекин абонент ҳисобида етарлича маблағ бўлмаса-чи, (35 мингдан камроқ)? Мижозларга қулайлик яратиш мақсадида Mobiuz бундай ҳолатларни ҳам назарда тутди. Агар маблағ етмаётган бўлса, абонент тўловини ечиб олиш тартиби кунликка ўтади ва кунига 1750 сўм ечила бошлайди. Интернет-трафик ҳам ҳудди шундай тартибда (кунига 267 МБ) тақдим этилади. Абонент маблағини етарлича суммага (35 минг сўмга) тўлдирганидан кейин тариф яна ойлик тартибга қайтади.

«Mobiuz кўплаб маҳсулот ва хизматларни тақдим этади, бу эса абонентларда танлов кенглигини англатади. Энди Интернетдан фаол фойдаланадиган инсонлар «Гап Йўқ» тариф режамизга уланишлари мумкин. Унинг мақсадли аудиторияси – оддийлик ва қулайликни ҳуш кўрувчи ёшлардир. Тарифда нафақат Интернет нархлари рақобатбардош, балки қўнғироқлар ҳам ўта қулай нархларда. Хусусан, 500 дақиқа суҳбатлашган абонент атиги 6 минг сўм тўлайди», — дейди Mobiuz’нинг жамоатчилик билан алоқалар бўйича расмий вакили Сардор Тожиев.

«Гап Йўқ» тарифига компания офисларида ҳамда тижорат вакилларининг савдо шохобчаларида уланиш мумкин. Mobiuzнинг бошқа тарифларидан ўтиш коди – *111*100#.

Реклама ҳуқуқи асосида.