Ироқ футболи афсонаси Аҳмад Ради коронавирус туфайли келиб чиққан нафас олиш йўллари касаллиги асоратлари билан вафот этди. Бу ҳақда Al Jazeera хабар бермоқда.
Манбага кўра, Радида ўтган ҳафтада коронавирус аниқланиб, касалхонага ётқизилган. 18 июнь куни эса унинг аҳволи яхшиланган ва унга касалхонадан рухсат берилган. Бироқ, бир неча соатдан кейин Радининг аҳволи оғирлашиб, шифохонага қайтарилади. 21 июнь куни эрталаб эса спортчи ҳаётдан кўз юмади.
Таъкидлаш жоиз, Аҳмад Ради Ироқ терма жамоасининг Жаҳон Чемпионатидаги ягона голи муаллифи ҳисобланади. 1986 йилда Мексикада бўлиб ўтган Жаҳон Чемпионатида у Бельгия терма жамоаси дарвозасини ишғол этган. Ради умумий ҳисобда Ироқ термаси сафида 121 та ўйин ўтказган ва 62 та гол урган. У фаолияти давомида «Аз-Завраа», «Ар-Рашид» ва «Ал-Вакра» клубларида тўп сурган. 1988 йилда эса Осиёда йилнинг энг яхши футболчиси деб топилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)