Ўзбекистонда 20 июнь соат 17:00 ҳолатига кўра, 94 киши коронавирус аниқланди. Касалланганларнинг умумий сони 6119 нафарга етди. Бу ҳақда Соғлиқни сақлаш вазирлиги хабар бермоқда.

Янги касалланиш ҳолатларининг

  • 69 нафари карантин марказидаги фуқаролар орасида;
  • 12 нафари Тошкент вилоятида (шундан 10 нафари коронавирусга чалинганлар билан мулоқотда бўлиб, карантинга олинган фуқаролар орасида, 2 нафари аҳоли орасида);
  • 9 нафари Тошкент шаҳрида аҳоли орасида;
  • 4 нафари Сурхондарё вилоятида (шундан 3 нафари коронавирусга чалинганлар билан мулоқотда бўлиб, карантинга олинган фуқаролар орасида, 1 нафари аҳоли орасида) қайд этилган.

Эслатиб ўтамиз, 20 июнь соат 10:00 ҳолатига кўра, Ўзбекистонда 79 кишида коронавирус аниқланиб, касалланганлар сони 6025 нафарга етганди.

Ҳозирда касалланганларнинг 4273 нафари коронавирус инфекциясидан соғайган, 19 нафари касаллик асоратларидан вафот этган.

Шифохоналарда даволанаётган беморлар сони биринчи марта 1800 нафардан ошиб кетди. Ҳозирда 1827 нафар бемор коронавирусдан даволанмоқда.