Uzcard терминалларининг нима сабабдан ўчирилаётганига изоҳ берилди

Ягона умумреспублика процессинг маркази Uzcard тўлов тизимида терминалларнинг ўчирилаётгани ҳақида интернетда тарқалган хабарлар юзасидан расмий изоҳ берди.

Унга кўра PCI DSS талабларига жавоб бермайдиган эски, фойдаланишга яроқсиз терминаллар ўчирилмоқда. Ушбу стандарт тўлов карта эгалари маълумотлари хавфсизлигини таъминлашга мўлжалланган 12 батафсил талаблар тўпламидан иборат. Standart Visa, MasterCard, Аmerican Express, JCB ва Discover халқаро тўлов тизимлари томонидан ташкил этилган тўлов карталари саноати хавфсизлиги стандартлари кенгаши (Payment Card Industry Security Standards Council, PCI SSC) томонидан ишлаб чиқилган.

Турли хил молиявий воситаларнинг ўзаро таъсири билан боғлиқ мураккаб механизм бўлган банк тузилиши, ҳар доим тўловларни ва бошқа операцияларни амалга ошириш учун фақат энг ишончли ускуналарга муҳтож. Ускуналар эскириб қолиши туфайли уларни таъмирлашда, бизнесни юритиш ва бошқаришда кўплаб қийинчиликлар юзага келади, бошқа ускуналар ва тизимларнинг дастурий таъминоти билан ўзаро боғлиқ муаммолар пайдо бўлади.

Шу сабабли 2020 йил 1 июндан 15 июнгача Uzcard томонидан тўхтатилган терминаллар қарийб 6-7 йил давомида ишлатилган, ваҳоланки савдо PОS-терминалларининг хизмат муддати ўртача 5 йилни ташкил этади. Ушбу операцияни бажариш одатий жараён бўлиб, эскирган терминалларни ўчиришдан олдин Uzcard дастурий таъминоти эскирган тижорат банкларини қайта-қайта ёзма равишда огоҳлантириб, барча халқаро талабларга жавоб берадиган янгисига алмаштиришни тавсия этади. Бундай терминаллар ўчирилади ва қайта дастурланади.

Терминал ускуналарининг ўзи ҳам PCI DSS регламентига жавоб бериши керак. Банк ускуналарини фақатгина янги, замонавий ва қулай техник ечимлар билан ўз вақтида алмаштирган ҳолда маънавий ва функсионал эскириш муаммосини ҳал қилиш мумкин, акс ҳолда дастурий таъминотни янгилаб бўлмайди.

Ушбу ҳолатда ҳам жараён одатдагидек амалга оширилади. Тижорат банкларига ускуналарни алмаштириш зарурияти тўғрисида олдиндан хабар берилади. Терминалларни алмаштириш барча банклар томонидан бепул амалга оширилади. Тадбиркорлар терминалларни қайта дастурлаш ва алмаштиришда юзага келадиган барча муаммолар юзасидан хизмат кўрсатувчи банкнинг энг яқин филиалига мурожаат қилиши мумкин.

Uzcard савдо терминалларини сотиш билан шуғулланмайди, тижорат банклари барча зарур ускуналарни мустақил равишда сотиб олади.

Янги дастурий таъминотга ўтиш 2018 йил 23 мартдаги «Банк хизматларидан фойдаланиш имкониятларини оширишга доир қўшимча чора-тадбирлар тўғрисида»ги Президент қарорига мувофиқ амалга оширилмоқда. Қарорга биноан Миллий тўлов оператори 2018 йил 1 июлга қадар мамлакатдаги тўлов тизимларини асосий халқаро тўлов тизимлари билан ўзаро бирлаштиради, бу эса норезидент пластик карталарни мамлакатнинг барча тўлов терминаллари тармоғида қабул қилинишини таъминлайди. Янги дастур UnionPay International, MasterCard, VISA, НСПК «Мир» каби халқаро тўлов тизимларининг карта эгаларига Ўзбекистондаги исталган савдо нуқталарида пластик карталардан эркин фойдаланиш, шунингдек, кобейжинг банк карталаридан фойдаланиш имконини беради, дейилади марказ ахборотида.