Ўзбекистонда 15 июнь соат 23:00 ҳолатига кўра, коронавирус билан касалланганлар сони 109 нафарга ошди ва касаллик юқтириб олганларнинг умумий сони 5263 нафарга етди. Бу ҳақда Соғлиқни сақлаш вазирлиги хабар бермоқда.
Янги касалланиш ҳолатларининг
- 77 таси карантин марказидаги фуқаролар орасида;
- 12 таси Тошкент шаҳрида (шундан 10 таси коронавирусга чалинганлар билан мулоқотда бўлганлар, 2 таси эса аҳоли орасида);
- 7 таси Тошкент вилоятида (шундан 6 таси халқаро юк ташувчи автомашина ҳайдовчисида, биттаси эса коронавирусга чалинганлар билан мулоқотда бўлганлар орасида);
- 5 таси Наманган вилоятида;
- 5 таси Навоий вилоятида коронавирусга чалинганлар билан мулоқотда бўлиб карантинга олинган фуқаролар орасида;
- 3 таси Самарқанд вилоятида аҳоли орасида аниқланган.
15 июнь соат 17:00 ҳолатига кўра, Ўзбекистонда коронавирусга чалинганларнинг умумий сони 5154 нафарни ташкил этаётганди.
Эслатиб ўтамиз, Ўзбекистонда ҳозиргача коронавирусга чалинганларнинг 4019 нафари бутунлай соғайган, 19 нафари эса касаллик асоратлари оқибатида вафот этган.
