АОКА ҳузуридаги штабда 15 июнь, душанба куни ташкил қилинган брифингда Санитария-эпидемиология назорати давлат инспекцияси бош инспектори Нурмат Отабеков коронавирусга қарши чора-тадбирлар ва аҳолини қизиқтирган муҳим савол ва мурожаатларга жавоб қайтарди.
Нурмат Отабеков ота-оналарни қизиқтираётган муҳим савол, яъни карантинда ёзги болалар оромгоҳлари фаолияти қандай ташкил этилиши ҳақида ҳам маълумот берди.
«Ҳозирда 80 га яқин болалар оромгоҳи иш бошлаши режалаштирилган. Асос — болаларни хавфсиз дам олдириш ва соғломлаштиришни ташкил қилиш Республика мувофиқлаштирувчи комиссиясинининг 26 майдаги 1-сонли баёнига мувофиқ тасдиқланган дислокация.
Оромгоҳга дам олиш ва ишлашга борадиган болалар ва тарбиячилар чуқурлаштирилган тиббий кўрикдан ўтади.
Ота-оналар ва қариндошларга болаларни кўриш учун оромгоҳларга бориши, у ерга озиқ-овқат маҳсулотларини олиб боришига рухсат берилмайди. Ҳар бир оромгоҳда эпидемияга қарши тегишли тадбирлар белгиланган», — деган Нурмат Отабеков.
Отабеков карантинда мактабларда кундузги оромгоҳлар фаолияти ташкил этилиши ёки этилмаслиги юзасидан ҳам изоҳ бериб, мактаблар фаолият юритмаётганлиги сабабли мактаблар қошида оромгоҳлар ташкиллаштирилмаслигини маълум қилди.
Мавзуга доир: Коронавирусдан тузалган беморларда касалликдан кейин қандай асоратлар кузатилиши маълум қилинди
Изоҳ (0)