Бокс бўйича оғир вазн тоифасида WBC чемпионлик камари соҳиби Тайсон Фьюрининг промоутери Фрэнк Уоррен мижози ва Энтони Жошуанинг (WBA, IBF, WBO ва IBO камарлари соҳиби) иккита жангдан қанча даромад топиши мумкинлиги ҳақида гапирди.
«Улар биринчи жанг учун 60-70 миллион доллар олиши мумкин, агар реванш жанги ҳам 2021 йилда ўтказилса, бу икки ҳиссага кўпаяди. Бироқ ҳозирча ҳеч нарса келишилмаган, бизда шартнома йўқ», — дейди Уоррен.
Эслатиб ўтамиз, аввалроқ Фьюри ва Жошуа 2021 йилда иккита жанг ўтказишга келишиб олгани тўғрисида хабар берилганди.
Жошуа охирги жангида 2019 йилнинг 7 декабрь санасида Энди Руисни (реванш жанги) мағлуб этиб, чемпионлик камарини қайтариб олганди. Фьюри эса 2020 йилнинг февраль ойида Деонтей Уайлдер устидан ғалаба қозониб, WBC камарини қўлга киритган.
Изоҳ (0)