Футбол бўйича Ўзбекистон Суперлигаси 4-туридан ўрин олган учрашувда Олмалиқнинг ОКМК жамоаси «Қизилқум» майдонига сафар қилди.
Беллашувнинг дастлабки бўлимида ҳисоб очилмади. Иккинчи бўлимни эса олмалиқликлар анча фаол бошлади ва 66-дақиқада Элгужа Григалашвилининг голи эвазига ҳисобда олдинга чиқиб олди. Ушбу гол ўйинда ягоналигича қолди.
Ушбу ғалабадан кейин ОКМК ўз очколари сонини 8 тага етказиб олган бўлса, навоийликлар мавсумдаги учинчи мағлубиятни қабул қилиб олди.
Қайд этиш жоиз, ОКМК сўнгги бор Навоийда 2009 йилда ғалаба қозонган эди. Шундан бери олмалиқликлар «Қизилқум»га қарши сафар ўйинларида ғалаба нима эканлигини билмай келаётганди.
Суперлига
4-тур баҳси
13 июнь, шанба
«Қизилқум» – ОКМК 0:1
Гол: 0:1 – 66 Элгужа Григалашвили«Қизилқум»: Артём Макосин, Абди Башимов, Везиргелди Илясов, Руслан Маргиев, Алишер Саноев, Қадамбой Нурметов (Дониёр Усмонов, 73), Салим Мустафоев, Шерали Жўраев, Навесеб Маккартни (Достон Ибрагимов, 64), Олег Толмасов, Суннатилло Абдуллажонов.
ОКМК: Суҳробжон Султонов, Акмал Шораҳмедов, Игор Зонич, Сардор Раҳмонов, Сайдулло Раҳматов,Ёван Жокич, Эркин Байдуллаев (Мурод Тошматов, 60), 17.Санжар Турсунов (Дилшод Жураев, 78), Баҳром Абдураҳимов (Миржамол Қосимов, 78), Элгужа Григалашвили (Ҳожимат Эркинов, 87), Мате Вацадзе (Зафар Полвонов, 60).
Огоҳлантиришлар: Жўраев (24), Зонич (29), Байдуллаев (41), Раҳмонов (44), Башимов (72), Саноев (90+2).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)