Футбол бўйича Ўзбекистон Суперлигаси 4-турдан ўрин олган марказий учрашувда Қаршининг «Насаф» клуби Наманганнинг «Навбаҳор»ини қабул қилди.
Ҳар иккала жамоанинг эҳтиёткор ўйини билан бошланган учрашув кутилмаганда шиддатли тус олди: 5-дақиқада «Навбаҳор» футболчиси Мирзоҳид Ғофуров жарима майдончаси ташқарисидан қаршиликлар дарвозасини ишғол этди – 0:1. Шундан сўнг беллашувни бошқариб бораётган Шерзод Қосимов жарима майдончасида қўл билан ҳаракат учун «Навбаҳор» дарвозаси томон пенальти белгилади, бироқ Умар Эшмуродов уни голга айлантира олмади. 2 дақиқа ўтиб эса Қосимов энди наманганликлар фойдасига 11 метрлик нуқтани кўрсатди. Зарба бу сафар ҳам голга айланмади — Турғунбоевнинг зарбасини Муҳаммаджонов бартараф этди. Кейинги ярим соатлик бирмунча сокин ўтди ва танаффусгача ҳисоб ўзгаришсиз қолди.
Иккинчи бўлим «Насаф»нинг тезкор ҳужумлари билан бошланди ва 66-дақиқага келиб Бобур Абдухолиқов ўзининг Суперлигадаги 4-голини урди – 1:1. Бироқ уч дақиқа ўтгач, меҳмонлар сафида Забиҳулло Ўринбоев Машҳуржон Муҳаммаджонов билан яккама-якка вазиятга чиқиб, тўпни унинг устидан ошириб дарвозага жойлаб қўйди. Ўйиннинг асосий вақти тугашига 3 дақиқа қолганда эса қаршиликлар Марко Станоевичнинг голи эвазига ҳисобни тенглаштирди. Шу тариқа голларга бой бўлган учрашувда томонлар муроса йўлини танлади.
Мазкур натижадан кейин «Насаф» очколари сонини 10 тага етказиб олиб, мусобақа жадвалида биринчи ўринга кўтарилиб олди. «Навбаҳор» эса 5 очко жамғарган ҳолда 7-поғонага кўтарилди.
Суперлига
4-тур баҳси
14 июнь, якшанба
«Насаф» — «Навбаҳор» 2:2
Голлар: 0:1 – 5 Ғофуров, 1:1 – 66 Абдуҳолиқов, 1:2 – 69 Ўринбоев, 2:2 – 87 Станоевич«Насаф»: Машхуржон Муҳаммаджонов, Ҳусниддин Алиқулов, Ғолиб Ғайбуллаев (Харис Дилавер, 79), Бобур Абдухолиқов, Шароф Муҳитдинов, Жўрабек Маннонов (Муродбек Хўжамбердиев, 73), Ислом Кенжабоев (Шерзод Насруллаев, 46), Акмал Мозговой (Дилшод Раҳматуллаев, 73), Ойбек Бозоров (Ҳусайн Норчаев, 84), Марко Станоевич, Умарбек Эшмуродов.
«Навбаҳор»: Ўткир Юсупов, Азимжон Аҳмедов, Иван Соловёв, Азизбек Турғунбоев (Забиҳулло Ўринбоев, 46), Исломбек Исоқжонов (Амирбек Жўрабоев, 76), Обид Жўрабоев, Мирзоҳид Ғофуров, Игор Голбан, Ислом Рашидхонов, Хуршидбек Мухторов, Аббосжон Ғуломов (Абдулҳай Исмоилов, 90+1).
Огоҳлантиришлар: Турғунбоев (28), Ғуломов (61),
Амалга оширилмаган пенальтилар: Эшмуродов (8), Турғунбоев (10).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)