Ўзбекистонда 12 июнь соат 23:00 ҳолатига кўра, коронавирус инфекциясига чалинганлар яна 32 нафарга кўпайди ва касалланганларнинг умумий сони 4869 га етди. Бу ҳақда Соғлиқни сақлаш вазирлиги хабар берди.

Янги касалланиш ҳолатларининг

  • 22 таси карантин муассасаларидаги фуқаролар орасида;
  • 5 таси Тошкент вилоятида аҳоли орасида;
  • 5 таси Россиядан ушбу вилоятдаги Зангиота чегара пости орқали кириб келган халқаро юк ташувчи автомашина ҳайдовчилари орасида аниқланган.

Аввал Ўзбекистонда 12 июнь соат 16:30 ҳолатига кўра, коронавирус инфекциясига чалинганлар сони 18 нафарга кўпайиб, 4837 нафарни ташкил этгани хабар қилинганди.

2020 йил 12 июнь ҳолатига кўра, кун давомида инфекция юқтириб олганларнинг 121 нафари тузалган  ва соғайганларнинг умумий сони 3758 нафарга (77 фоиз) етган. 15 мартда эпидемия бошланганидан бери Ўзбекистонда 19 нафар бемор COVID-19 асоратлари оқибатида вафот этган. 1092 нафар бемор даволанишни давом эттирмоқда.