«Барселона» собиқ президенти Жоан Гаспарт Луиш Фигунинг можароли трансфери ҳақида гапирди.
«Фигу хоин эди. Мен «Барселона« президенти этиб сайланган кечада Фигу менга қўнғироқ қилиб, унда икки йўл борлигини айтди — бири Мадридга кетиш, иккинчиси «Барселона»да қолиш.
Унинг сўзларига кўра, агенти «Реал» билан шартнома имзолаб қўйган. Агар Фигу унга имзо чекмаса, тахминан, 3 миллион евро тўлашига тўғри келарди. Фигу агентини ноқулай аҳволга солиб қўйиш нияти йўқлигини айтди, аммо агар «Барселона» шу пулни тўлаб берса, қолиши мумкинлигини айтди.
Мен унга пулларни тўлашимизни айтдим. Фигу эса банк кафолат ҳужжатини олишимни сўради, бироқ тун эди ва мен буни қила олмадим. Мен унга барча мажбуриятларни ўз зиммамизга олишимиз ҳақида кафолат бердим, аммо у «Реал»га ўтиб кетди. Бу менинг яқин дўстим – Флорентино Переснинг жирканч ва маккорона иши эди», — дейди Жоан Гаспарт.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)