Футбол бўйича Беларусь чемпионатининг 12-туридан ўрин олган баҳсда «Энергетик-БГУ» 7 июнь, якшанба куни «Шахтёр Солигорск» меҳмони бўлди.
Учрашувнинг 12-дақиқасида Виталий Lisaкович томонидан киритилган тўп баҳс тақдирини ҳал қилди. Ўйин давомида устунлик майдон эгалари томонида бўлди. Солигорскликлар яна бир қатор имкониятларга эга бўлган бўлса-да, рақиб дарвозасига бир мартадан ортиқ йўл топа олмади.
Мазкур баҳсда ўзбекистонлик футболчилар асосий таркибда майдонга тушди. Жасур Яхшибоев тўлиқ ҳаракат қилган бўлса, Шаҳбоз Умаров бир бўлим ўйнади.
Шу тариқа ушбу ғалабадан сўнг «Шахтёр» очколарини 24 тага етказиб олган ҳолда иккинчи ўринга кўтарилди. «Энергетик-БГУ» эса (22) 4-поғонага тушиб кетди.
Беларусь Олий Лигаси
12-тур баҳси
7 июнь, якшанба
«Шахтёр Солигорск» — «Энергетик-БГУ» 1:0
Гол: 1:0 – 12 Lisaкович.«Шахтёр Солигорск»: Гутор, Бурко, Антич, Хадаркевич, Сачивко, Сзоке, Селява (Бодул, 69), Иванович (Подстрелов, 46), Баланович, Кендиш, Lisaкович (Диасамидзе, 85).
«Энергетик-БГУ»: Садовский, Мавату, Мирошников, Шкурдюк, Свирепа, Тве, Умаров (Совпел, 46), Гирс, Бакич, Яхшибоев, Носко.
Огоҳлантиришлар: Бурко (29), Бакич (49), Шкурдюк (83).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)