Украина футбол ассоциацияси (УФА) президенти Андрей Павелко Украина терма жамоаси бош мураббийи Андрей Шевченко билан шартнома узайтирилганини маълум қилди.
«УФА ижроия қўмитаси Андрей Шевченко ва унинг мураббийлар штаби билан шартноманинг 2022 йил 31 декабргача узайтирилганини олқишлар билан қарши олди», — дейди Павелко УФАнинг брифингида.
Маълумот учун, Шевченко 2016 йилдан бери Украина термасини бошқаради. Унинг қўл остида украиналиклар коронавирус пандемияси туфайли 2021 йилга қолдирилган Евро—2020 нинг финал босқичига йўлланмани қўлга киритди.
Украина терма жамоаси Нидерландия ва Австрия билан биргаликда С гуруҳидан жой олган. Гуруҳнинг тўртинчи жамоаси эса плей-офф ўйинлари орқали аниқланади, бироқ баҳсларнинг ўтказилиш санаси ҳали номаълум.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)