Сурхондарё вилояти Сариосиё тумани «Гулобод» маҳалласида яшовчи фуқаролар Ҳаж зиёратини амалга ошириш учун йиллар давомида йиғиб келган маблағларини маҳалладаги экси трансформаторни алмаштиришга сарфлади. Бу ҳақда туман ҳокимлиги матбуот хизмати хабар берди.
Таъкидланишича, «Гулобод» маҳалласидаги трансформатор 1964 йилда ўрнатилган бўлиб, тез-тез бузилиб турган. Қиш мавсумида — электр энергиясига бўлган талаб ортганидан бир неча кунлар бузилиб қолган ҳолатлар ҳам кузатилган.
Камолиддин Жамилов ва турмуш ўртоғи Бибимарзия Жамилова навбатдаги Ҳаж зиёратига бориш мақсадида йиққан нафақа пулларидан «Саховат ва кўмак» умумхалқ ҳаракати доирасида 70 миллион сўмлик янги замонавий трансформатор харид қилиб, маҳаллага ўрнатди.
Изоҳ (0)