Қозоғистонда ўтган бир сутка ичида яна 199 кишида коронавирус инфекцияси аниқланди, деб хабар беради Tengrinews.
Мамлакат бўйлаб касаллар сонининг ортиши 1,6 фоизни ташкил этмоқда. Коронавирусга чалиниш бўйича янги ҳолатлар қуйидаги ҳудудларда аниқланган:
- Павлодар вилояти — 13 (5,7 фоиз);
- Шарқий Қозоғистон вилояти — 9 (5,4 фоиз);
- Ақтўбе вилояти — 15 (4 фоиз);
- Қарағанда вилояти — 33 (3,1 фоиз);
- Олмаота вилояти — 9 (2,2 фоиз);
- Жамбил вилояти — 9 (2,2 фоиз);
- Нур-Султон шаҳри — 37 (1,6 фоиз);
- Костанай вилояти — 3 (1,5 фоиз);
- Манғистов вилояти — 3 (1,3 фоиз);
- Ақмўла вилояти — 2 (1,2 фоиз);
- Олмаота шаҳри — 31 (1,1 фоиз);
- Ғарбий Қозоғистон вилояти — 8 (1 фоиз);
- Атирау вилояти — 11 (0,9 фоиз);
- Қизилўрда вилояти — 4 (0,9 фоиз);
- Чимкент шаҳри — 8 (0,9 фоиз);
- Туркистон вилояти — 3 (0,8 фоиз).
Қирғизистонда ўтган бир сутка ичида яна 38 кишида коронавирус аниқланди. Бу ҳақда мамлакат Соғлиқни сақлаш вазирлиги хабар берди.
Коронавирусга чалинган янги касалларнинг 11 нафари Ўш шарида қайд этилган. Шунингдек, қуйидаги ҳудудларда ҳам вирус билан касалланиш ҳолатлари аниқланган:
- Чуй вилояти — 10;
- Бишкек шаҳри — 9;
- Норин вилояти — 3;
- Ўш вилояти — 2;
- Жалолобод вилояти — 2;
- Боткен вилояти — 1.
Ўтган бир суткада давомида 20 киши коронавирусдан соғайган.
Бутун мамлакат бўйлаб COVID-19 билан касалланганлар сони 1974 кишига етди, уларнинг 22 нафари вирус қурбонига айланган. Ҳозирга қадар 1360 нафар бемор даволанишга муваффақ бўлган.
Тожикистонда 5 июнь ҳолатига кўра, коронавирус билан касалланганлар сони яна 81 кишига ортиб, касалликка чалинганларнинг жами сони 4370 кишига етди, деб хабар беради «РИА Новости».
Маълумотларга кўра, мамлакатда ҳозирга қадар COVID-19 билан касалланган 2491 бемор даволанишга муваффақ бўлган, 48 киши вирус қурбонига айланган. Айни вақтда коронавирус ташхиси қўйилган 1355 нафар бемор даволанишни давом эттирмоқда.
Мавзуга доир: Тожикистонда коронавирус билан касалланишнинг энг юқори чўққиси ортда қолгани маълум қилинди
Мамлакат Соғлиқни сақлаш вазирлигининг маълумотларига кўра, Афғонистонда коронавирусга чалинганлар сони 18 969 кишини ташкил этмоқда. Ўтган бир сутка ичида 9 киши COVID-19 қурбонига айланган бўлса, 178 киши соғайган. Бутун мамлакат бўйлаб коронавирус оқибатида вафот этганларнинг жами сони 309 кишига етди, ҳозирга қадар 1 763 киши даволанишга муваффақ бўлди.
Ўзбекистонда 6 июнь соат 10:00 ҳолатига кўра, коронавирусга чалинганлар сони 4022 нафарга етди. Айни пайтда мамлакатда 3247 нафар коронавирус инфекциясига чалинган фуқаролар соғайган, 759 нафар беморга шифокорлар томонидан белгиланган стандартлар бўйича даво чоралари кўрилмоқда. Улардан 10 нафари оғир, 3 нафари эса ўта оғир аҳволда.