Роналду — Оловуддин, Жоржина эса пушти рейнжер. Криштиану фарзандларининг туғилган кунини эртакнамо нишонлади (фото)
«Ювентус» ҳужумчиси Криштиану Роналду эгизак фарзандларининг туғилган кунини ўзига хос тарзда нишонлади.
Футболчи эртак ва мультфильм қаҳрамони Оловуддин кийимини кийиб олган, Жоржина Родригес эса «Қудратли рейнжерлар» сериали қаҳрамони пушти рейнжер образини танлаган.
Роналдунинг фарзандлари ҳам турли қаҳрамонлар либосини танлаган: туғилган кун эгаси Матео — ўргимчак одам, кичик Криштиану — Ҳалк, қизалоқлар эса «Disney» олами маликалари образида намоён бўлган.
«Туғилган кунингиз билан, мен учун севимли Ева ва Матео! Биз сизларни яхши кўрамиз», — дея ёзиб қолдирган Роналду.
Маълумот учун, Матео ва Ева 3 ёшни қарши олди. Криштианунинг катта ўгли июнь ойи охирида 10 ёшга тўлади, кичик қизи эса икки ёшда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
