«Ливерпуль» клуби Буюк Британиянинг энг машҳур клуби номини қўлга киритди. Бу ҳақда YouGov-FootballIndex маълумотларни тақдим этди.
Унга кўра, Чемпионлар Лигасининг амалдаги ғолибини футболга қизиқувчи британияликларнинг 8,3 фоизи қўллаб-қувватламоқда. Иккинчи ўриндан «Манчестер Юнайтед» жой олган, клубга мамлакат аҳолисининг 6 фоизи мухлислик қилади. Тахминан, 3,1 фоиз Лондоннинг «Челси» клубига ишқибозлик қилади. Премьер Лиганинг амалдаги чемпиони эса «Манчестер Сити» 4—5-ўринларни «Арсенал» билан баҳам кўрмоқда (2%).
Буюк Британиянинг энг машҳур жамоалари ўнталигига шунингдек, «Тоттенҳэм», «Вулверҳэмптон», «Ньюкасл Юнайтед», «Эвертон» ва «Астон Вилла» кирган.
Англия чемпионатининг 29 туридан сўнг 82 очко тўплаган ҳолда «Ливерпуль» турнир жадвалида пешқадамлик қилмоқда. Иккинчи поғонадан «Манчестер Сити» 57 очко билан ўрин олган. Премьер Лига ўйинларига 17 июнь куни 28-турнинг қолдирилган ўйинлари билан рестарт берилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)