Мадриднинг «Реал» клуби ва Испания терма жамоаси собиқ ҳужумчиси Рауль Гонсалес «Шальке-04» бош мураббийига айланиши мумкин, дея хабар қилмоқда АS.
Таъкидланишича, немис клуби раҳбариятини Девид Вагнернинг иши қониқтирмаяпти. Гелзенкирхенликлар Раулдан ташқари германиялик Ральф Рангник, «Саутҳэмптон» устози Ральф Ҳазенҳюттл ва ПСВ бош мураббийи Рожер Шмидт вариантларини ҳам кўриб чиқмоқда.
Рауль ҳозирда «Реал»нинг иккинчи жамоаси «Кастилья» бош мураббийи ҳисобланади. У 2019 йилнинг ёзида жамоани қабул қилиб олганди.
Испаниялик мутахассисга «Шальке» бегона эмас, у 2010—2012 йиллар мобайнида немис клубида тўп сурган. Рауль шунингдек, «Ас-Садд» ва «Нью-Йорк Космос» жамоаларида ҳам ҳаракат қилган.
«Шальке-04» Бундеслига 29-туридан сўнг 37 очко тўплаган ҳолда 10-ўринда бормоқда. Жамоа лигада кетма-кет ўнта ўйиндан буён ғалабасиз серия қайд этмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)