Вазирлар Маҳкамаси қарори билан айрим «чиройли» автомобиль рақамларининг бошланғич нархлари ва тоифалари ўзгарди. Бу ҳақда Адлия вазирлиги хабар берди.

Фото: «Дарё»

Янги тартибга кўра, аввал учта тоифага ажратилган «чиройли» авторақамлар энди олтита тоифага ажратилди. Бундан ташқари, айрим «чиройли» рақамларнинг бошланғич нархлари ва тоифалари ҳам ўзгарди.

Хусусан, 333, 444, 666, 999 рақамлар комбинацияси 1-тоифадан 2-тоифага ўтказилган бўлса, 003, 004, 006, 008, 009, 030, 040, 303, 400, 404, 600, 900, 909 каби рақамлар 2-тоифадан 3-тоифага ўтказилди.

Тошкент шаҳридаги 2-тоифа рақамларининг бошланғич нархи агар улар ҳар хил комбинациядаги ҳарфлар билан бўлса, базавий ҳисоблаш миқдорининг 30 баравари (аввал 40 баравари эди), бир хил комбинациядаги ҳарфлар билан бўлса базавий ҳисоблаш миқдорининг 40 баравари (аввал 50 баравар эди) этиб белгиланди.

Шунингдек, оширилган тўлов ставкалари бўйича бериладиган I, IА, III, IIIА типидаги автотранспорт воситалари учун рўйхатдан ўтказиш давлат рақами белгиларининг рўйхати ҳам эълон қилинди.

Фото: Адлия вазирлиги

Фото: Адлия вазирлиги

Фото: Адлия вазирлиги

Фото: Адлия вазирлиги

Фото: Адлия вазирлиги