Концепт-рассом ва моделер Жефф Фрост ўзининг сайтига Бэтменнинг янги автомобили суратини жойлаштириб, дарҳол ўчириб ташлади. Шунга қарамай, суратлар интернет бўйлаб тарқалишга улгурган: у Twitter’даги The Batmen аккаунти томонидан жойлаштирилган, деб хабар беради Motor.
Роберт Паттинсон ижросидаги Қора рицернинг янги машинаси Американинг классик маслкарларининг замонавий версиясини ёдга солади, бироқ футуристик дизайнига озгина ўзгартириш киритилган. Машинанинг двигатели ўрқа тарафида жойлашган бўлиб, унинг техник тавсифи номаълум: V8 ёки V10 бўлиши мумкин. Jalopnik нашрининг ёзишича, агрегат Ford’нинг Triton V10 6,8 двигателига ўхшайди.
Янги бэтмобилнинг умумий дизайни 1970—1980 йиллар комиксларини ёдга солади, машинанинг ўзи эса Dodge Charger ва Plymouth Barracuda’га ўхшайди.
Аммо бунда трубасимон ромли оргинал шассидан фойдаланилган, шу сабабли яқин ўхшашлик ҳақида гап ҳам бўлиши мумкин эмас.
«Бэтмен» фильмида британиялик актёр Роберт Паттинсондан ташқари, Зои Кравиц (Мушук-аёл), Пол Даоно (Риддлер), Колин Фаррелл (Пингвин), Жон Туртурро (Кармин Фальконе), Жеффри Райт (комиссар Гордон), Энди Серкис (эшик оғаси Алфред), Питер Сарсгаард (округ прокурори Гил Колсон).
Аввалроқ «Бэтмен»нинг тақдимоти коронавирус туфайли 2021 йилнинг кузига қолдирилгани ҳақида хабар берилганди.
Изоҳ (0)