АҚШ президенти Дональд Трамп Вашингтон ҳамда Миннеаполисда катта тартибсизликлар содир бўлишининг олди олингани ҳақида гапирди.
Фото: Getty Images
«Ўтган оқшом Вашингтонда муаммолар кузатилмади. Жуда кўпчилик ҳибсга олинди. Ҳамма ўз ишини яхши бажарди. Миннеаполисда ҳам ҳаммаси яхши (президент Трампга раҳмат!)», – дея ёзган АҚШ давлат раҳбари Twitter’да.
Мавзуга доир:
АҚШ аҳолиси бир неча кундан бери бутун мамлакат бўйлаб Миннеаполисдаги полиция маҳкамасида афро-америкалик Жорж Флойднинг полициячи сабаб вафот этгани муносабати билан норозилик намойишлари ўтказмоқда.
Ўтган ҳафтада Флойднинг ўлимига сабабчи бўлган полиция зобити Дерек Човин ишдан ҳайдалган ва унга нисбатан қотиллик иши бўйича айблов эълон қилинганди. Фожиа жойида бўлган яна уч нафар полиция офицери ҳам ишдан бўшатилган.
