Бугун,

  • USD 11014.01
  • RUB 191.8
  • EUR 10674.78

Андижоннинг Қирғизистон билан чегара ҳудудида қўшни давлат томонидан гиёҳванд моддаларни Ўзбекистон ҳудудига отиш ва ушбу йўл билан мамлакатга уларни олиб кириш ҳолатлари аниқланмоқда. Бу ҳақда ДХХ чегара қўшинлари матбуот хизмати «Дарё»га маълум қилди.

Фото: EADaily

Фото: EADaily

Хабарга кўра, ДХХ чегара қўшинлари ҳарбий хизматчилари томонидан хизмат ўташ вақтида Андижон вилояти Пахтаобод тумани Уйғур қишлоғи ҳудудидан ўтувчи ўзбек-қирғиз давлат чегарасида Қирғизистон томонидан улоқтирилган 587 грамм гашиш моддаси топилган.

Ҳозирда мазкур гиёҳванд модданинг кимга тегишли эканлигини аниқлаш бўйича чора-тадбирлар кўрилмоқда.

Шунингдек, Пахтаобод туманида яна бир ҳолат қайд этилиб, унда 1990 йилда туғилган фуқаролар Э.Э. ва А.Ҳ. чегараолди ҳудудда ДХХ ходимлари томонидан тўхтатилиб текширилганда, уларнинг ёнидан 504 грамм гашиш моддаси топилган.

Аниқланишича, ушбу гиёҳванд модда ҳам қирғизистонлик шахслар томонидан давлат чегарасини ажратиб турувчи симтўсиқлар устидан Ўзбекистон ҳудудига улоқтирилган.

Изоҳ
Асосий янгиликлар