Бокс бўйича оғир вазн тоифасида WBC камари соҳиби Тайсон Фьюри WBA, WBO, IBF ва IBO чемпиони Энтони Жошуга қарши жанг қилишга тайёр эканини маълум қилди.
«Ҳа, Жошуа кучли ва бақувват, бироқ унда оёқ ишлаймайди. Ҳал қилувчи паллада кўпинча ақлсиз ҳаракат қилади.
Мен уни икки-уч раунд ичида нокаутга учратаман. Семиз йигит Энди Руис каби ундан сакраб ўтаман. Чапдан берилган битта ҳук зарбаси ва сиз Бембининг ринг бўйлаб рақс тушишига гувоҳ бўласиз.
Унинг промоутери Эдди Ҳирн одатдагидек кўп валдирайди. Мен анча вақтдан буён Жошуа билан жанг қилишни таклиф қилиб келаман. Сўнгги беш йилда бу жангни ташкил қилишга уриндим, бироқ бунинг иложи бўлмади. Шундай экан Ҳирн менинг жамоам билан гаплашиши керак ва мухлислар кутаётган воқеликни уларга бериш лозим», — дейди Фьюри.
Фьюри сўнгги жангида собиқ Жаҳон чемпиони Деонтей Уайлдерни 7-раундда техник нокаутга учратганди. Жошуа эса Энди Руисга қарши кечган реванш жангида ғалаба қозонган.
Изоҳ (0)