Путинни судга берган Чувашистон собиқ раҳбари оғир аҳволда касалхонага ётқизилди

Чувашистон собиқ раҳбари Михаил Игнатьев Санкт-Петербургдаги касалхонасига ётқизилди, деб хабар бермоқда «Коммерсантъ» ўз манбаларига таяниб.

Қайд этилишича, унга икки томонлама пневмония ташхиси қўйилган. Михаил Игнатьевда ўпка яллиғланишининг юқори даражаси қайд этилган бўлиб, у оғир аҳволда.

Насрнинг ёзишича, айни пайтда у ўткир нафас этишмовчилигининг оғир шаклида қўлланиладиган қонни кислород билан таъминловчи аппаратга улаб қўйилган.

Алмазов номидаги Миллий тиббий тадқиқот марказининг жамоатчилик билан алоқалар бўлими бу борада изоҳ беришдан бош тортган. «Биз ушбу маълумотни тасдиқлай олмаймиз, рад ҳам эта олмаймиз. Беморлар ҳақидаги маълумот шифокорлар сири ҳисобланади», — деб жавоб берган улар «РИА Новости»нинг сўровига жавобан.

Аввалроқ Путинни Михаил Игнатьевни Чувашистон раҳбарлигидан бўшатгани, бундан норози бўлган Игнатьев президентни судга бергани хабар берилганди. Россия Олий суди унинг даъвосини кўриб чиқиш санасини 30 июнь кунига белгилаганди.

Игнатьев январь ойи ўрталарида, матбуотдаги буюртма материаллар ҳақида гапираркан, журналист ва блогерларнинг «суробини тўғирлаб қўйиш» кераклигини таъкидлаган эди. 23 январда эса янги ўт ўчириш машиналарининг калитларини топшириш маросимида ФВВ ходимини калитни олиш учун бир неча бор сакрашга мажбур қилган эди.